ටෝකියෝ මිට්ෂුයි සිමෙන්ති කම්හල

ටෝකියො සිමෙන්ති සමාගම, ජපානයේ බහු ජාතික සමාගමක් සහ ශ්‍රී ලාංකීය සමාගමක් අතර ඇති වූ ගිවිසුමක ප්‍රතිඵලයක් ලෙසින් 1982 වසරේ දී ආරම්භ කරන ලද අතර එය මෙරට ඉදි කෙරුණු පෞද්ගලික අංශයට අයත් වූ ප්‍රථම සිමෙන්ති කම්හල ලෙසින් හැඳින්වෙයි.

ත්‍රිකුණාමල වරායට සමීපයේ ඉදිකරන ලද නවීන අංගෝපාංගවලින් සමන්විත වූ මෙම කර්මාන්තශාලාව මගින් මෙරට ඉදිකිරීම් ක්ෂේත්‍රයේ දැවැන්ත පෙරළියක් කිරීමට සමත් විය. ත්‍රිකුණාමල වරායේ සිදුකරන ලද නවීකරණ කටයුතුවලින් පසුව මෙම කර්මාන්තශාලාවේ කාර්යක්ෂමතාවය ඉහළ නැංවීමට ලැබී ඇති පිටිවහල අතිමහත්ය. ජාත්‍යන්තර මට්ටමේ ප්‍රමීතීන්වලට අනුකූලව, ඉදිකිරීම් ක්ෂේත්‍රයේ අවශ්‍යතාවයන් ට සරිලන පිරිදි සිමෙන්ති නිෂ්පාදනය හා බෙදාහැරීම සදහා ටෝකියෝ සිමෙන්ති සමාගම කැපවී සිටින බව  කිව යුතුය. යුදමය වාතාවරණය තුළ දී බෙහෙවින්ම අභියෝගාත්මක නිෂ්පාදන කාර්යයක නිරත වූ නමුදු අද වන විට සමාගම නැවතත් තම සුපුරුදු කටයුතුවල නිරත වෙමින් සිටියි.

බිලියන 14 ක වත්කමින් යුත් 600 පමණ වන කාර්ය මණ්ඩලයකින් යුක්ත  වන ටෝකියෝ සිමෙන්ති මෙරට විශාලතම හා වටිනාකමින් යුතු සන්නාම නාමයන් අතරින් එකකි. තවද ISO 14001 පරිසර කළමනාකරණය තත්ත්ව සහතිකයෙන් පිදුම් ලද ප්‍රථම සමාගම ලෙසින් සහ ISO 9000 ගුණාත්මක කළමනාකරණය පිලිබද තත්ත්ව සහතිකයෙන් පිදුම් ලද සමාගමක් ලෙසින් ද මෙය හැදින්විය හැකිය.

ඡායාරූප: අන්තර්ජාලයෙනි

2016 අගෝස්තු

බුද්ධික එස් රත්නායක

ටෙක්ලා චාන්දනී