ප්‍රීමා තිරිගු පිටි කම්හල
ප්‍රීමා තිරිඟු පිටි කම්හල මෙරට පිහිටා ඇති ප්‍රධාන සමාගම් අතරින්
එකක් වන අතර, ත්‍රිකුණාමල වරාය ආසන්නයේ ස්ථාපිත කර තිබේ. මෙරට තිරිඟු පිටි සපයන ප්‍රධාන
සැපයුම්කරු වන මෙම සමාගමට අයත් වන මෙම කර්මාන්තශාලාව නැගෙනහිර පළාතේ ස්ථාපිත වන්නේ
1980 වර්ෂයේ දීය. මෙය එවකට ලොව ඉදිකරන ලද විශාලතම කර්මාන්තශාලා පරිශ්‍රයන්ගෙන් එකක්
ලෙස වාර්තා වූ බව කියැවේ. නවීන ප්‍රවාහන පහසුකම්වලින් සහ ප්‍රවාහන මාධ්‍යයන්ගෙන්
සමන්විත වන ශ්‍රී ලංකා ප්‍රීමා පිටි කම්හල තිරිඟු පිටි ප්‍රවාහනය, ඇසුරුම් හා ඒ ආශ්‍රිත නිෂ්පාදන
සැකසුම් කර්මාන්තශාලාවක් ලෙසින් ක්‍රියාත්මක වෙයි.
කම්හලෙහි නිෂ්පාදන ධාරිතාවය දිනකට තිරිඟු පිටි මෙට්‍රික් ටොන් 3600 ක් පමණ වන අතර තොග වශයෙන්
ජැටිය ඔස්සේ සිදුකරන්නා වූ මෙහෙයුම් ධාරිතාවය මෙට්‍රික් ටෝන් 100,000 ක් පමණ වෙයි.
නවීකරණය කරන ලද බහාලුම් හැසිරවීමේ අංගනය මගින් දකුණු ආසියානු කලාපයේ වෙළඳ කටයුතු වැඩිදියුණු කරගැනීමට සමාගම අපේක්ෂා කරයි. 2014
වසරේ ප්‍රීමා සිය සන්නාම තානාපතිවරයා ලෙසින් ශ්‍රී ලංකා ක්‍රිකට් කණ්ඩායමේ සුපිරි
පිතිකරු කුමාර සංගක්කාර මහතා පත්කරගන්නා ලදී.
සමාගම යටතේ පවතින පර්යේෂණ අංශය මගින් සහ පුහුණු කරන ලද
කාර්ය මණ්ඩලයක් ඔස්සේ වෙළදපොළ ඉල්ලුම සලකාබලමින් විවිධ රසවලින් යුතු බිස්කට්,
කේක්, නුඩ්ල්ස්, ඉඳිආප්ප ආදී වූ නිෂ්පාදන සදහා අවශ්‍ය කරන පිටි නිෂ්පාදනය
කිරීමට ප්‍රීමා සමාගම සමත්වී සිටියි. ISO 9001:2000 සහ ISO 222000:2005 යන ජාත්‍යන්තර තත්ත්ව සහතිකයෙන් පිදුම් ලැබූ මෙම සමාගමේ
කම්හල් පරිශ්‍රය මුළුමනින්ම ස්වයංක්‍රීයව ක්‍රියාත්මක කිරීමට හැකියාව තිබීම තවත්
එක් විශේෂත්වයක් ලෙස දැක්විය හැකිය.
2016 අගෝස්තු
බුද්ධික එස්. රත්නායක
ටෙක්ලා චාන්දනී
Comments
Post a Comment